Մարկ Ռյուտե. Ռուսաստանի կողմից Լեհաստանի կամ դաշինքի մեկ այլ երկրի վրա հնարավոր հարձակման դեպքում մեր պատասխանը կործանարար կլինի
Ռուսաստանի կողմից Լեհաստանի կամ դաշինքի մեկ այլ անդամ պետության հնարավոր հարձակման դեպքում մեր պատասխանը կլինի կործանարար, – այս մասին ՆԱՏՕ-ի գլխավոր քարտուղար Մարկ Ռյուտեն հայտարարել է Վարշավայում՝ Լեհաստանի վարչապետ Դոնալդ Տուսկի հետ համատեղ մամուլի ասուլիսի ժամանակ։
«Երբ խոսքը վերաբերում է Լեհաստանի և ՆԱՏՕ-ի տարածքի պաշտպանությանը, եթե որևէ մեկը մտածի, որ կհաջողվի խուսափել պատասխանատվությունից Լեհաստանի կամ դաշինքի այլ անդամ երկրի վրա հարձակվելու դեպքում, ապա նրանք կբախվեն այս դաշինքի ամբողջական ուժին։ Մեր պատասխանը կլինի կործանարար», – հայտարարել է Ռյուտեն։
Նրա խոսքով՝ սա պետք է «շատ հստակ լինի Վլադիմիր Պուտինի և յուրաքանչյուրի համար, ով կհամարձակվի հարձակվել մեզ վրա»։
ՆԱՏՕ-ի գլխավոր քարտուղարը ընդգծել է, որ տրանսատլանտյան գործընկերությունը մնում է դաշինքի հիմքը և սա չի փոխվի։