ՆԱՏՕ-ի գլխավոր քարտուղար Մարտ Ռուտտեն ասել է, որ Ուկրաինայում զինվորական կոնտինգենտի հարցը Կիևինն է, այլ ոչ թե Ռուսաստանինը։ Մարկ Ռուտտեն այս մասին խոսել է Պրահայում կայացած քննարկման ժամանակ։

ՆԱՏՕ-ի գլխավոր քարտուղարն ասում է, որ միայն Կիևը, այլ ոչ թե Մոսկվան, պետք է իրավունք ունենա քվեարկելու Ուկրաինայում զսպող ռազմական կոնտինգենտի հնարավոր տեղակայման վերաբերյալ։

«Ինչո՞ւ պետք է մեզ հետաքրքրի, թե ինչ է մտածում Ռուսաստանը Ուկրաինայում գտնվող որևե մեկի զինվորականների մասին։ Ուկրաինան ինքնիշխան պետություն է։ Դա նրանց որոշելիքն է», – ասել է Ռուտտեն։

ՆԱՏՕ-ի գլխավոր քարտուղարը նշել է, որ շատ զարմացած է, երբ ինչ-որ մեկը դեռ նայում է Մոսկվային։

«Ուկրաինան ինքնիշխան պետություն է։ Եթե Ուկրաինան ցանկանում է ուժեր ունենալ անվտանգության երաշխիքների շրջանակներում, խաղաղությունը պահպանելու համար, դա նրանց գործն է։ Մենք իսկապես պետք է դադարեցնենք Պուտինին ուժեղացնելը», – ասել է Ռուտտեն։