Վրաստանի խորհրդարանի կողմից «Տեղեկատվական անվտանգության մասին» նոր օրենքի ընդունումը հիմք է ապագա կիբերանվտանգության ապահովման համար, – այս մասին սոցցանցում գրել է Մեծ Բրիտանիայի և Հյուսիսային Իռլանդիայի Միացյալ Թագավորության դեսպան Մարկ Քլեյթոնը:

«Ուրախ եմ, որ խորհրդարանն ընդունեց «Տեղեկատվության անվտանգության մասին» նոր օրենք: Այն ամուր հիմք է ապագա կիբերանվտանգության ապահովման և երկրի կիբեր տարածքում պաշտպանության և ինքնիշխանության պահպանման համար: Կարևոր է ուժեղացնել վերահսկողությունը այս ոլորտում», – գրել է Մարկ Քլեյթոնը:

Հունիսի 10-ի լիագումար նիստին Վրաստանի խորհրդարանը երրորդ ընթերցմամբ հաստատեց «Տեղեկատվության անվտանգության մասին» օրինագիծը, որը նախաձեռնվել էր նախորդ գումարման խորհրդարանում՝ 2019 թվականին:

Very pleased that @Geoparliament approved Georgia’s new law on information security. This is a strong foundation on which ?? can build its future cyber security, essential for its defence & sovereignty in cyber space. Must ensure oversight is strengthened in this sensitive domain

— Mark Clayton (@MarkClaytonFCDO) June 11, 2021