«Մենք դատապարտում ենք Վրաստանի Ցխինվալի շրջանում անցկացված ոչ լեգիտիմ ընտրությունները»,- ասված է եվրոպացի պատգամավորներ Մարինա Կալիուրանդի և Սվեն Միկսերի համատեղ հայտարարության մեջ։

Ինչպես նշվում է հայտարարության մեջ, Եվրախորհրդարանի պատգամավորները պաշտպանում են Վրաստանի ինքնիշխանությունն ու տարածքային ամբողջականությունը։

«Մենք դատապարտում ենք 2024 թվականի հունիսի 9-ին Վրաստանի Ցխինվալի մարզում/Հարավային Օսեթիայում անցկացված ոչ լեգիտիմ խորհրդարանական ընտրությունները։ Ռուսաստանի կողմից օկուպացված տարածքներում ֆիկտիվ ընտրությունների կազմակերպումը կոպտորեն խախտում է 2008 թվականի օգոստոսի հրադադարի պայմանագիրը, որը ստորագրվել է Եվրամիության միջնորդությամբ։ Մենք վերահաստատում ենք մեր անսասան աջակցությունը Վրաստանի ինքնիշխանությանն ու տարածքային ամբողջականությանը նրա միջազգայնորեն ճանաչված սահմաններում»,- ասված է հայտարարության մեջ։