Մարինա Կալիուրանդ. Խնդրում եմ, ընդդիմադիր այն կուսակցությունները, որոնք ընդգրկված չեն աշխատանքային խմբերում, ներգրավվեք, ձեր դիրքորոշումները հայտնեք, համոզված եմ, որ վրացի ընտրողները սպասում են դրան
Խնդրում եմ եղեք միասին, խնդրում եմ վեր կանգնեք կուսակցական շահերից և սկսեք համագործակցել վրաց ժողովրդի շահերի համար։ Այն ընդդիմադիր կուսակցություններին, որոնք ընդգրկված չեն աշխատանքային խմբերում, խնդրում եմ, միացեք, միացեք աշխատանքային խմբերին, այնտեղ հայտնեք ձեր դիրքորոշումները, ասել է Վրաստանի խորհրդարանում հանդիպումներ անցկացնող եվրոպացի պատգամավոր Մարինա Կալիուրանդը։
Ըստ եվրոպացի պատգամավորի՝ «Վրացական երազանքը» պետք է այնպես շարունակի սկսած գործը, որ բոլոր մասնակիցները զգան, որ իրենց լսում են, և իրենց դիրքորոշումները դիտարկվում են։
Բացի այդ, Մարինա Կալիուրանդիի խոսքով, Վրաստանի եվրոպական նկրտումների համար դուռը բաց է, և այս ամենը վրացի քաղաքական գործիչների ձեռքում է։
«Վրաստան-Եվրամիություն ասոցացման խորհրդարանական հանձնաժողովի 11-րդ նիստում մենք քննարկել ենք բազմաթիվ հարցեր, սակայն հիմնական առաջնահերթությունը եղել է թեկնածուի կարգավիճակ ստանալու Վրաստանի ձգտումը և առաջարկությունների կատարումը։ Ես երեկ ասել եմ, այսօր էլ կասեմ, այն որոշումը, որ թեկնածուի կարգավիճակը երաշխավորվել է պայմաններով, պետք է դիտարկել որպես դրական նշան։ Վրացիները կարող են հիասթափվել, նախկինում էլ եմ ասել, ես էլ եմ հիասթափվել և հասկանում եմ ձեր հիասթափությունը, բայց դա չի նշանակում, որ հնարավորություն չկա։ Հնարավորությունն այստեղ է, դուռը բաց է Վրաստանի եվրոպական նկրտումների համար, և այդ ամենը ձեր և ձեր քաղաքական գործիչների ձեռքերում է։ Խնդրում եմ միասին եղեք, խնդրում եմ վեր կանգնեք կուսակցական շահերից և սկսեք համագործակցել վրաց ժողովրդի շահերի համար, ովքեր ցանկանում են լինել Եվրամիության մաս և արժանի են լինել Եվրամիության անդամ։ Ուստի կոչ եմ անում «Վրացական երազանքին» շարունակել սկսված աշխատանքն այնպես, որ բոլոր մասնակիցները զգան, որ իրենց լսում են, իրենց դիրքորոշումները հաշվի են առնվում, որ իրենք գործընթացի մաս են, որպեսզի ներառականությունը միայն թղթի վրա չմնա, բայց իրական կյանքում: Աշխատանքային խմբերում ներգրավված ընդդիմությանն ու քաղաքացիական հասարակությանն ուղղված իմ ուղերձն է՝ խնդրում եմ շարունակել այն: Ժողովրդավարական հասարակությունը կարիք ունի ընդդիմության և քաղաքացիական հասարակության ձայնի, և դա ձեզ հնարավորություն է տալիս որոշել երկրի ապագան: Այն ընդդիմադիր կուսակցություններին, որոնք ընդգրկված չեն աշխատանքային խմբերում, խնդրում եմ, միացեք, միացեք աշխատանքային խմբերին, այնտեղ արտահայտեք ձեր դիրքորոշումները, քանի որ վստահ եմ, որ վրացի ընտրողները ձեզնից դա են ակնկալում»,- ասաց Կալիուրանդին։
