Զբոսաշրջության ազգային վարչության ղեկավար Մարիամ Քվրիվիշվիլին հույս ունի, որ փետրվարից ձմեռային հանգստավայրերը կբացվեն ինչպես Վրաստանի քաղաքացիների, այնպես էլ միջազգային զբոսաշրջիկների համար:

«Մեզանից յուրաքանչյուրն անհամբեր սպասում էր ձմեռային սեզոնին: Առաջին ալիքի ընթացքում ունեցած դինամիկան մեզ ստիպեց մտածել, որ մեզ հնրավորություն կունենայինք տեղի և միջազգային զբոսաշրջիկներին ընդունել ձմեռային հանգստավայրերում: Այնուամենայնիվ, համաճարակային իրավիճակի պատճառով մենք պետք է հնարավորինս լսենք մեր համաճարակաբաններին և առողջապահական փորձագետներին: Այդ պատճառով որոշվեց երկու ամիս ուղղակիորեն չշահագործել ճոպանուղիները և հանգստավայրերը, ինչը, բնականաբար, շատ դժվար է: Մենք շատ լավ հասկանում ենք, որ այս հանգստավայրերում հյուրանոցների, կացարանների կամ ռեստորանային բիզնեսի համար շատ դժվար է: Այնուամենայնիվ, մենք դրական ակնկալիքներ ունենք, քանի որ այս սահմանափակումները կշարունակվեն մինչև հունվարի վերջ, և հուսով ենք, որ տարվա սկզբից, փաստորեն, փետրվարից, մեր հանգստավայրերը կրկին պատրաստ կլինեն: Հուսով ենք, որ համաճարակաբանական իրավիճակը և այն ամենը, ինչ մենք կանենք մեր հասարակության հետ, թույլ կտան մեզ ձմեռային հանգստավայրերում հյուրընկալել մեր քաղաքացիներին, ինչպես նաև միջազգային ճանապարհորդներին», – հայտարարել է Քվրիվիշվիլին: