Դահուկային սպորտի միջազգային ֆեդերացիայի նախագահն անձամբ ծանոթացել է այն ենթակառուցվածքներին, որոնցով Վրաստանի կառավարությունն ապահովել է Բակուրիանիում աշխարհի առաջնության արժանի հյուրընկալումը։ Մեր թիմը շատ հաջող է տանում ընթացիկ գործընթացները, ինչը շատ կարևոր է,- ասել է էկոնոմիկայի և կայուն զարգացման փոխնախարար Մարիամ Քվրիվիշվիլին Բակուրիանիում՝ Դահուկային սպորտի միջազգային ֆեդերացիայի նախագահ Յոհան Էլիաշի հետ հանդիպումից հետո։

Էկոնոմիկայի նախարարության փոխանցմամբ, բարձրակարգ մարզական կազմակերպության ղեկավարը ներկա է գտնվել ազատ ոճի, սնոուբորդի և ֆրիսկիի աշխարհի առաջնությանը։ «Mountain Tracks» գործակալության տնօրեն Իրակլի Բուրճուլաձեն պատվավոր հյուրին ցույց է տվել առաջնության ենթակառուցվածքները։

Ինչպես նշեց Մարիամ Քվրիվիշվիլին, Վրաստանը, մասնավորապես՝ Բակուրիանին, առաջնության օրերին գտնվում է միջազգային լրատվամիջոցների ուշադրության ներքո, ինչը, ի վերջո, ամրապնդում է մեր երկրի՝ որպես զարգացած լեռնազբոսաշրջային կենտրոնի ապրանքանիշը, դիրքավորումը և բարձրացնում տեղեկացվածությունը։

Նրա խոսքով, աշխարհի առաջնության անցկացումը նոր փուլ կտանի Վրաստանը, այդ թվում՝ Բակուրիանին և Վրաստանի մյուս լեռնադահուկային հանգստավայրերը։

Տեղեկությունը տարածում է Վրաստանի էկոնոմիկայի և կայուն զարգացման նախարարությունը։