Ռուսաստանը չի մասնակցի «խաղաղության երկրորդ գագաթնաժողովին», որը նախատեսում է անցկացնել Ուկրաինան, հայտարարել է Ռուսաստանի արտաքին գործերի նախարարության ներկայացուցիչ Մարիա Զախարովան։

«Ռուսաստանի ներկայացուցիչները չեն մասնակցել և մտադիր չեն մասնակցել Բուրգենշտոկի գործընթացի շրջանակներում անցկացվող հանդիպումներին»,- ասվում է գործակալության հաղորդագրության մեջ։

Զախարովան նաև մեղադրել է Ուկրաինային և միջազգային հանրությանը «Ռուսաստանին կապիտուլյացիայի վերջնագիր ներկայացնելու» մտադրության մեջ։

Ավելի վաղ Ուկրաինայի նախագահ Վլադիմիր Զելենսկին հայտարարել էր, որ խաղաղության հաջորդ համաշխարհային գագաթնաժողովի կազմակերպիչները պատրաստվում են Ռուսաստանին հրավիրել այդ հանդիպմանը։

Ինչպես նշել է Զելենսկին «Սի Էն Էն»-ին տված հարցազրույցում, Ուկրաինայի ուժեղացումն անհրաժեշտ է Ռուսաստանի հետ հնարավոր բանակցություններում դիրքերը բարելավելու համար։

«Դիվանագիտական ​​լուծումները լավ են, երբ դու ուժեղ ես, հակառակ դեպքում Պուտինը շահագրգռված չի լինի դադարեցնել պատերազմը»,- ասել է Ուկրաինայի նախագահը։