Ռուսաստանի արտաքին գործերի նախարարության մամուլի խոսնակ Մարիա Զախարովան հայտարարել է, որ Հայաստանի իշխանությունները կոպտորեն խախտել են ընթացակարգերը խորհրդարանական ընտրությունների ժամանակ։

Ռուսաստանի արտաքին գործերի նախարարության ներկայացուցչի խոսքով՝ ամբողջ ընտրարշավը և քվեարկության գործընթացն անցել է ընդդիմադիր կուսակցությունների և շարժումների, նրանց ակտիվիստների և կողմնակիցների նկատմամբ խիստ բռնաճնշումների մթնոլորտում։

«Հայ առաքելական եկեղեցին, որը ավանդաբար խորապես հարգված է երկրում, նույնպես ենթարկվել է հալածանքների։ Սա Երևանի կողմից ազատ ընտրություններ անցկացնելու ժողովրդավարական սկզբունքների և ընթացակարգերի կոպիտ խախտում է», – նշել է Մարիա Զախարովան։

Ռուսաստանի արտաքին գործերի նախարարության խոսնակի խոսքով՝ քաղաքական ուժերը, որոնք աջակցում են Հայաստանի անդամակցությանը Եվրասիական տնտեսական միությանը և Հավաքական անվտանգության պայմանագրի կազմակերպությանը և դեմ են Եվրամիությանը անդամակցության փակուղային ընթացքին, ճնշման տակ են։

«Ինչ վերաբերում է Մոսկվայի ապագա քաղաքականությանը Հայաստանի հետ հարաբերություններում, մենք մտադիր ենք մշակել մեր գործողությունների ընթացքը՝ հաշվի առնելով Հայաստանի ղեկավարության կողմից ձեռնարկված իրական քայլերը», – ասել է Ռուսաստանի արտաքին գործերի նախարարության խոսնակը։