Ինձ չեն հետաքրքրում մեր երկրի հանդեպ թշնամաբար տրամադրված մարդկանց անլուրջ և անհեթեթ դիրքորոշումները,- ասել է խորհրդարանական մեծամասնության անդամ Անրի Օխանաշվիլին՝ մեկնաբանելով Ուկրաինայի նախագահի խորհրդական Միխայիլ Պոդոլյակի հայտարարությունը։

Նրա խոսքով, այն մարդիկ, ովքեր Վրաստանի նկատմամբ թշնամական հայտարարություններ են անում, չեն կարող ցանկալի անձնավորություն լինել։

«Համապատասխանաբար, բոլոր այն մարդիկ, ովքեր հայտարարություններ են անում մեր երկրի ինքնիշխանության և մեր ժողովրդի շահերի դեմ, այդ մարդիկ մեր կողմից չեն կարող համարվել մեր ուզած մարդիկ, քանի որ այդ մարդիկ թշնամական հայտարարություններ են անում մեր երկրի և շահերի դեմ։ Մեր երկիրը նրանց համար ոչինչ չի նշանակում: Նման հայտարարությունները պետք է սահմանափակվեն միայն այս մեկնաբանությամբ»,- ասել է Օխանաշվիլին։

Ուկրաինայի նախագահի խորհրդական Միխայիլ Պոդոլյակը «Ամերիկայի ձայնին» տված հարցազրույցում խոսել է Վրաստանի մասին։