«Ժողովրդի կամքն արտահայտված է, այժմ այս կամքը պետք է պաշտպանել, գործին պետք է հասցնել մինչև վերջ»,- ասաց «Հզոր Վրաստանի» առաջնորդ Մամուկա Խազարաձեն ընտրատեղամասերի փակումից հետո կայացած ճեպազրույցում։

«Մենք ողջունում ենք ձեզ։ Շնորհավորում ենք Վրաստանում Ռուսաստանի իշխանության պարտության կապակցությամբ: Ժողովրդի կամքն արտահայտված է: Այժմ սա պաշտպանության կարիք ունի։ Պետք է գործը հասցնել մինչև վերջ: Ուզում եմ տեղամասերում մեր բոլոր ներկայացուցիչներին կոչ անել մինչև վերջին րոպեն պաշտպանել մեր ընտրողների ձայները։ Այս հարցին պետք է վերջ տալ։ Եվս մեկ բան. այսօր վրաց հասարակությունը, մեր քաղաքացիները ավարտել են լճացման շրջանը։ Վրաստանում սկսվում է նոր շրջան, նոր կյանք, որն ուղղված է դեպի ազատություն, ժողովրդավարություն և երկրի վերակառուցում։ Հզոր Վրաստան կառուցելուն ուղղված ուժն ու եռանդը սկսում են գործել։ Ամենակարևորն այն է, որ Վրաստանում ավարտվել է Բիձինա Իվանիշվիլիի կլեպտոկրատական ​​իշխանությունը, վրաց հասարակությունը վերջ է տվել դրան։ Շնորհավորում եմ բոլորին»,- ասել է Մամուկա Խազարաձեն։