«Անձամբ ընդունում եմ, որ ընդդիմությունը սխալ է թույլ տվել։ Այս էլեկտրոնային ընտրությունները մեզ մոլորեցրին, որովհետև ընտրությունները կեղծվել են այն պահից, երբ դեռ հաշվարկը չէր սկսվել», – այս մասին հայտարարել է «Լելո» կուսակցության առաջնորդ Մամուկա Խազարաձեն՝ հանդիպման ժամանակ լրագրողների հետ։

Խազարաձեի խոսքով՝ նոր ընտրությունները պետք է անցկացվեն նոր վարչակազմով և նոր կանոններով, որպեսզի հնարավորինս բացառվի կեղծարարությունը։

«Ցանկացած նոր ընտրություն, որը կնշանակվի, այսինքն՝ խոսքը խորհրդարանական ընտրությունների մասին է, վստահ եմ, որ վրաց ժողովուրդը կհաղթի և կդնի երկիրը այն ուղղության վրա, որն Բիձինա Իվանիշվիլին խլել է իր ռուսական իշխանությամբ ու մտածողությամբ մեր երկրից և քաղաքացիներից», – հայտարարել է Խազարաձեն։

Միևնույն ժամանակ, Խազարաձեն նշել է, որ «ընդդիմադիր կուսակցությունները լավ վիճակում չեն, երբեմն ալիքը ուժեղանում է, երբեմն՝ ոչ, ինչը բնական է, սակայն լավ վիճակում է վրաց ժողովուրդը, որը զանգվածային կեղծիքների պայմաններում հաջողեց խլել բոլոր մեծ քաղաքները իշխանությունից»։

Միաժամանակ Մամուկա Խազարաձեն խոսել է այն մասին, որ պետք է ստեղծվի ազգային դիմադրության ճակատ։

«Սա ավելին է, քան պարզապես չորս ընտրական շեմ հաղթահարած և հաղթած կոալիցիա։ Մենք պետք է ստեղծենք ազգային դիմադրության ճակատ, որտեղ կմիավորվեն այն քաղաքական կուսակցությունները, որոնք ցանկանում են այս երկրում ռեժիմի փոփոխություն», – հայտարարել է Մամուկա Խազարաձեն։