Մամուկա Մդինարաձեն հանդիպել է ԱՄՆ Պետդեպարտամենտի ներկայացուցիչների հետ
Վրաստանի փոխվարչապետ, իրավապահ մարմինների համակարգման հարցերով պետական նախարար Մամուկա Մդինարաձեն հանդիպել է ԱՄՆ Պետդեպարտամենտի ներկայացուցիչների հետ։
Հանդիպման ընթացքում քննարկվել են Վրաստանի և ԱՄՆ-ի միջև երկկողմ հարաբերությունները։ Ուշադրության կենտրոնում էին ապագա համագործակցության հեռանկարները և ռազմավարական գործընկերության վերականգնման ծրագրերը։
Կողմերը հաստատել են իրենց պատրաստակամությունը շարունակել համագործակցությունը երկկողմ հարաբերությունների հետագա ամրապնդման ուղղությամբ՝ հաշվի առնելով ազգային շահերը։
Հանդիպման ընթացքում քննարկվել է տարածաշրջանում ստեղծված իրավիճակը։ Բացի այդ, ընդգծվել է Միջին միջանցքի կարևորությունը և ուշադրությունը կենտրոնացվել է Վրաստանի՝ որպես հուսալի և ռազմավարական գործընկերոջ դերի վրա։
Հանդիպմանը մասնակցել է կառավարության աշխատակազմի ղեկավարի տեղակալ Ավթանդիլ Կունճուլիան։