Միխեիլ Սաակաշվիլիի միակ նպատակը երկրի ապակայունացումն է, – «Վրացական երազանքի» առաջնորդներից Մամուկա Մդինարաձեն արձագանքել է Վրաստանի նախկին նախագահ Միխեիլ Սաակաշվիլիի այն հայտարարությանը, որ հասարակությունը կորոնավիրուսի պատճառով չպետք է վախենա գնալ նոյեմբերին 8-ին նախատեսված հանրահավաքին:

Ըստ Մդինարաձեի, Սաակաշվիլիի հայտարարությունը միտված է ցույցի դուրս բերել մի քանի հարյուրով ավել մարդու:

«Միխեիլ Սաակաշվիլին միայն մեկ նպատակ ունի, այս երկիրում խառնաշփոթ տիրի: Նա այլ նպատակ չունի: Միխեիլ Սաակաշվիլիի և իր թիմակիցների համար, երբ ցանկանան, կորոնավիրուսը ամենամեծ խնդիրն է, որը երկիրը չի կարող հաղթահարել, և երբ դա նրանց պետք է, ասում են, որ կորոնավիրուսն այլևս խնդիր չէ, քանի որ միգուցե ևս 500 մարդ գա հանրահավաքի: Գուցե որևէ մեկը չվախենա, և մի քանի հարյուր մարդ էլ դուրս գան հանրահավաքի: Այնպես որ, փորձում է, որ այս խնդիրն այլեւս որպես խնդիր չհամարել, կարծես կորոնավիրուսը ընդհանրապես գոյություն չունի: Ցավոք, մեր երկրում կան մարդիկ, ովքեր ասում են, որ կորոնավիրուս ընդհանրապես չկա, և այժմ Միխեիլ Սաակաշվիլին միացել է նրանց շարքերը, միայն թե հանրահավաքին երեք հարյուրով կամ վեց հարյուրով ավել մարդ գնա երկիրը խառնելու համար», – հայտարարել է Մամուկա Մդինարաձեն: