Ցանկանում եմ շնորհակալություն հայտնել Վրաստանի ոստիկանությանը և ՆԳ նախարարին՝ օրենքի խաղաղ ձևով կիրառման համար։ Մի քանի հոգի և գործակալական ընդդիմությունը չեն կարող կաթվածահար անել մայրաքաղաքը, վրացական պետությունը դա թույլ չի տա,- այսօր կայացած ճեպազրույցում հայտարարել է «Վրացական երազանքի» գործադիր քարտուղար Մամուկա Մդինարաձեն։

Ըստ Մդինարաձեի, գործակալական ընդդիմությանը խրախուսում են այն օտարերկրյա քաղաքական գործիչները, որոնք վերջին օրերին ժամանել են Վրաստան։

«Գիտեք, որ մեկ գիշերվա ընթացքում հաջողվել է դա անել, և որոշ ժամանակ անց ոստիկանությունը ճիշտ որոշում է կայացրել օրենքի կիրարկման հետ կապված։ Այս ծայրահեղականությունը, որն իրականացվել է գործակալական ընդդիմության կողմից, խրախուսվել է այն օտարերկրյա քաղաքական գործիչների կողմից, ովքեր նախորդ օրերին եկել են Վրաստան, հրահրել գործակալներին, կոչ արել մայդան կազմակերպել և հանգիստ վերադարձել իրենց երկրները»,- ասել է Մդինարաձեն։