Գախարիան պետք է գոնե մեկ օրինակ բերի, գոնե մեկ ապացույց ներկայացնի: Նա վարչապետ էր և ամեն ինչ կատարյալ էր, հրաժարական տվեց, ու հետո հանկարծ կոռուպցիա սկսվեց,- այս մասին ասաց «Վրացական երազանք» խմբակցության նախագահ Մամուկա Մդինարաձեն։

Նրա խոսքով՝ Գախարիայի հայտարարությունները սուտ են:

«Մինչ այդ ամեն ինչ լավ էր, ոչ ֆորմալ կառավարում չկար, մարդիկ երջանիկ էին, Բիձինա Իվանիշվիլին մի կողմ էր քաշվել և Գախարիային չէր համարձակվում որևէ բան անել, հանկարծ երբ հրաժարական տվեց, պարզվեց կար ոչ ֆորմալ կառավարում: Մարդկանց ցանկանում է համոզել այս ամենի մեջ։ Դա PR մեծամտություն է, խարդախություն է, սուտ է ամեն ինչ: Նրա ապրանքանիշը դավաճանությունն է։ Մարդն իրեն մի կողմ դրեց՝ ուրիշի առաջադրանքները կատարելու համար։ Նա արդեն հասել է Վաշաձեի մակարդակին, ամեն ինչ կասի»,- ասել է Մդինարաձեն։