Մակա Բոճորիշվիլին ճանաչողական հանդիպում է ունեցել Վրաստանում Նորվեգիայի Թագավորության նորանշանակ դեսպանի հետ
Վրաստանի փոխվարչապետ, արտաքին գործերի նախարար Մակա Բոճորիշվիլին ճանաչողական հանդիպում է ունեցել Վրաստանում Նորվեգիայի Թագավորության նորանշանակ դեսպան Լիսե Սինովե Նուրգորդի հետ:
Արտաքին գործերի նախարարության տեղեկատվության համաձայն՝ կողմերը քննարկել են երկկողմ հարաբերությունների արդիական հարցերն ու ապագա հեռանկարները:
Զրույցը վերաբերել է նաև միջազգային կազմակերպությունների շրջանակներում համագործակցությանը:
Կողմերը խոսել են տարածաշրջանում ընթացող գործընթացների և անվտանգության մարտահրավերների, տարածաշրջանում Վրաստանի դերի և միջազգային համագործակցության առաջնահերթ ուղղությունների մասին:
Ընդգծվել է գործընկերների հետ փոխադարձ հարգանքի վրա հիմնված հարաբերությունների և երկխոսության կարևորությունը:
Վրաստանի արտաքին գործերի նախարարը Նորվեգիայի դեսպանին հաջողություն է մաղթել հետագա գործունեության մեջ: