Վրաստանի արտաքին գործերի նախարար Մակա Բոճորիշվիլին հեռախոսազրույց է ունեցել Ադրբեջանի Հանրապետության արտաքին գործերի նախարար Ջեյհուն Բայրամովի հետ։ Այս մասին հայտնել է Վրաստանի արտաքին գործերի նախարարությունը։

Նախարարության տվյալներով՝ Մակա Բոճորիշվիլին խորը մտահոգություն է հայտնել Ադրբեջանի Հանրապետության Նախիջևանի Ինքնավար Հանրապետությունում անօդաչու թռչող սարքի հարձակման կապակցությամբ, որի հետևանքով վիրավորվել են մի քանի քաղաքացիներ։

«Նախարարը շեշտել է տարածաշրջանում խաղաղության և կայունության պահպանման կարևորությունը։

Նախարարները ևս մեկ անգամ հաստատել են Վրաստանի և Ադրբեջանի միջև ռազմավարական և բարեկամական հարաբերությունների ամրությունը», – ասվում է Արտաքին գործերի նախարարության հայտարարության մեջ։

Պատահարի վերաբերյալ պաշտոնական հայտարարություն է տարածել նաև Վրաստանի արտաքին գործերի նախարարությունը։