Մակա Բոճորիշվիլին և Ռումինիայի արտաքին գործերի նախարարը հեռախոսազրույց են ունեցել

20:40, 16.04.2026

Ռումինական կողմի նախաձեռնությամբ, 2026 թվականի ապրիլի 16-ին, հեռախոսազրույց է տեղի ունեցել Վրաստանի արտաքին գործերի նախարար Մակա Բոճորիշվիլիի և Ռումինիայի արտաքին գործերի նախարար Օանա-Սիլվիա Ցոյի միջև: Այս մասին հայտնում է Վրաստանի արտաքին գործերի նախարարությունը:

Նախարարության հաղորդմամբ, կողմերը քննարկել են Վրաստանի և Եվրամիության միջև հարաբերությունները և Վրաստանում ընթացող գործընթացները:

«Մակա Բոճորիշվիլին ընդգծել է տարածաշրջանում առկա մարտահրավերները և այս համատեքստում կայունության ու անվտանգության կարևորությունը: Ուշադրությունը կենտրոնացվել է Սևծովյան տարածաշրջանում համագործակցության ամրապնդման կարևորության վրա», – ասվում է Արտաքին գործերի նախարարության հայտարարության մեջ:

Հեղինակ - edgar barsegyan

Քաղաքական