Վրաստանը ինքնիշխան պետություն է և լիովին իրավունք ունի ընտրելու արտաքին կուրսը, – ասաց Վրաստանի խորհրդարանի Եվրոպային ինտեգրման կոմիտեի նախագահ Մակա Բոճորիշվիլին:

Լրագրողները հարց են ուղղել Մակա Բոճորիշվիլիին՝ կապված Ռուսաստանի փոխարտգործնախարար Անդրեյ Ռուդենկոյի հայտարարության հետ, որ Եվրամիությանը և ՆԱՏՕ-ին անդամակցելու Վրաստանի ցանկությունը անհիմն ընտրություն է, որը կհանգեցնի տարածաշրջանում էլ ավելի սրման, լարվածության և անորոշության:

Ինչպես նշել է Բոճորիշվիլին, Վրաստանի ինտեգրումը Եվրամիությանը և ՆԱՏՕ-ին Վրաստանի և նրա քաղաքացիների ընտրությունն է, ինչը կվերաբերի ՆԱՏՕ-Վրաստան և Վրաստան-ԵՄ-ին:

«Ռուսաստանը ոչ ՆԱՏՕ-ի, ոչ Եվրամիության անդամ չէ, ուստի Ռուսաստանի միջամտությունը այդ հարաբերություններին բացարձակապես անընդունելի է», – ասաց Բոճորիշվիլին: