Անընդունելի է, երբ նման ուժեղ միջամտություն կա երկրի ներքաղաքական կյանքին, ասել է ԱԳՆ ղեկավար Մակա Բոճորիշվիլին՝ ի պատասխան ԵԽ Տեղական և տարածքային իշխանությունների կոնգրեսի բյուրոյի հայտարարության, որում ասվում է, որ Վրաստանի կառավարությունը պետք է ճանապարհ հարթի ազգային մակարդակով ազատ և արդար կրկնվող ընտրությունների համար և հետաձգի ՏԻՄ ընտրությունները։

Նախարարի խոսքով՝ շատ դժվար է մեկնաբանել, երբ ԵԽ-ն մի կողմից ուզում է պատկերել, որ ընդդիմությունը խոսում է ողջ ժողովրդի անունից և գործում է ողջ վրաց ժողովրդի անունից, իսկ մյուս կողմից՝ թվում է, թե ընդդիմությունը պատրաստ չէ մասնակցել ընտրություններին և ժամանակ է պետք՝ աջակիցներ մոբիլիզացնելու համար։

Մակա Բոճորիշվիլին խոսել է նաև որոշ արտասահմանյան քաղաքական գործիչների հայտարարությունների մասին.

«Շվեդ քաղաքական գործչի կոչը, բացի միջամտությունից, կրկին բացահայտում է այն ցանկությունները, որոնք առկա են Վրաստանի վերաբերյալ կոնկրետ քաղաքական գործիչների մտքում»։ Սա Վրաստանում անկարգություններ է, ապակայունացում, տարբեր սցենարների զարգացում, որոնք կապված են երկրի սահմանադրական կարգին դեմ գնալու հետ։ Դրանց թվում է նաև «Մայդանի» սցենարը, որը ոչ միայն քննարկվում էր, այլ նույնիսկ պատրաստվում էր Վրաստանի հետ կապված»,- ասաց ԱԳ նախարարը։