Այսօր տեղի է ունեցել Վրաստանի, Հայաստանի և Ադրբեջանի միջև փոխնախարարների մակարդակով առաջին հանդիպումը։ Սա շատ կարևոր երկխոսություն է, որը կազմակերպվում է Թբիլիսիի կողմից, ասել է Վրաստանի արտաքին գործերի նախարար Մակա Բոճորիշվիլին։

Նախարարի խոսքով՝ այս եռակողմ ձևաչափը լավ հնարավորություն է քննարկելու տարածաշրջանի համար կարևոր հարցեր։

«Կայացել է հանդիպում Վրաստանի, Հայաստանի և Ադրբեջանի արտաքին գործերի նախարարությունների ներկայացուցիչների մասնակցությամբ, որը լավ հնարավորություն է քննարկելու մեր տարածաշրջանին վերաբերող հարցերը: Վրաստանն ունի նպատակ՝ որքան հնարավոր է նպաստել մեր տարածաշրջանում խաղաղությանն ու կայունությանը: Իհարկե, այս ձևաչափով երկու հարևանների՝ Ադրբեջանի և Հայաստանի հետ հարաբերությունները կարևոր են: Սա տեղի է ունենում առաջին անգամ: Մենք կարողացանք աշխատանքային ձևաչափով քննարկել տարածաշրջանի համար կարևոր հարցեր: Հուսով եմ, որ այս ձևաչափով երեք երկրների միջև աշխատանքը կշարունակվի, և մենք կկարողանանք ապագայում քննարկել և շարունակել աշխատել բոլոր երեք երկրների համար կարևոր հարցերի շուրջ», – ասել է Բոճորիշվիլին: