Վերջերս մենք տեսանք Վրաստանի գործունեությունը՝ կապված տարածաշրջանում ընթացող գործընթացների հետ, հատկապես, երբ խոսքը վերաբերում է Հարավային Կովկասում խաղաղության և կայունության ապահովմանը, – ասել է խորհրդարանի եվրաինտեգրման կոմիտեի նախագահ Մակա Բոճորիշվիլին:

Նրա խոսքով, Վրաստանը պատրաստ է անել հնարավորը Հարավային Կովկասում կայունության և կայուն խաղաղության հաստատման համար:

Միեւնույն ժամանակ, ինչպես նշել է Բոճորիշվիլին, Վրաստանը չի կարողանա մասնակցել 3 + 3 ձեւաչափին, քանի որ Ռուսաստանը ներգրավված է այս ձեւաչափում:

«Ինչ վերաբերում է 3 + 3 ձեւաչափին, մենք բազմիցս բարձրաձայնել ենք մեր դիրքորոշման մասին: Վրաստանը չի կարողանա համագործակցել այն ձեւաչափերին, որտեղ ներգրավված է օկուպանտ երկիրը: Այնուամենայնիվ, մեր տարածաշրջանում խաղաղության և կայունության ապահովմանն ուղղված այլ նախագծերում և նախաձեռնություններում մենք կունենանք ընտրովի վերաբերմունք, թե որտեղ կարող ենք ներդրում ունենալ: Սակայն Վրաստանը չի լինի Ռուսաստանի հետ, բացառությամբ գոյություն ունեցող ձեւաչափերի, որոնք կվերաբերեն մեր երկրի տարածքային ամբողջականությանը: Մենք այլ ֆորմատների չենք կարող մասնակցել», – ասել է Մակա Բոճորիշվիլին: