Ուկրաինան պետք է ունենա համապատասխան գործիքներ՝ այս անարդար պատերազմի հետևանքով երկրին և նրա ժողովրդին պատճառված վնասի համար փոխհատուցում ստանալու համար,- հայտարարել է Վրաստանի արտաքին գործերի նախարար Մակա Բոճորիշվիլին Հաագայում, որտեղ Եվրոպայի խորհրդի հովանու ներքո ստեղծվել է Ուկրաինայի միջազգային բողոքարկման հանձնաժողովը։

Մակա Բոճորիշվիլիի խոսքով՝ Վրաստանը, որպես Վնասների գրանցամատյանի հիմնադիր անդամ, ողջունում է Միջազգային բողոքարկման հանձնաժողովի ստեղծումը։

«Ուկրաինացի ժողովրդի պայքարը իր երկիրը պաշտպանելու համար չի կարող մեզ անտարբեր թողնել։ Այն ողբերգական իրականությունը, որը մենք այսօր տեսնում ենք Եվրոպայի սրտում, պահանջում է ավելի մեծ ջանքեր տարածաշրջանում խաղաղությունը վերականգնելու համար։ Միջազգային նորմերի կոպիտ խախտումները չպետք է անպատասխան մնան։ Այսօր մենք հավաքվել ենք այստեղ, որպեսզի միջազգային հանրությունը կարողանա ևս մեկ քայլ անել անհրաժեշտ իրավական մեխանիզմներ ստեղծելու ուղղությամբ։ Վրաստանը ողջունում է Միջազգային բողոքարկման հանձնաժողովի ստեղծումը», – ասել է Մակա Բոճորիշվիլին։