Ընդդիմության բրյուսելյան այցից ոչ մի լավ բան չի կարելի սպասել, երբ նրանք բացարձակապես մտահոգված չեն երկրի շահերով, խաղաղությամբ, մեր երկրի եվրոպական ապագայով,- ասել է Եվրոպական ինտեգրման կոմիտեի նախագահ Մակա Բոճորիշվիլին։

Բոճորիշվիլիի խոսքով, ընդդիմության այս հատվածին անհանգստացնում է միայն սեփական շահերն ու ամեն գնով իշխանության ղեկին լինելը։

«Սա այն իրողությունն է, որին մենք արդեն մեկ տարուց ավելի հետեւում ենք մեր ընդդիմախոսներից։ Ուստի ես ոչ մի լավ բան չեմ սպասում նրանց բրյուսելյան այցից։ Այն, ինչ ես ակնկալում եմ Բրյուսելից, այն է, որ ԵՄ-ին ինտեգրվելու ճանապարհին Վրաստանի ջանքերը պատշաճ կերպով կգնահատվեն, և մեր երկիրը կունենա թեկնածուի կարգավիճակ, ինչպես անցյալ տարի տրվեց Ուկրաինային և Մոլդովային»,- ասել է Մակա Բոճորիշվիլին։