Եվրաինտեգրման հանձնաժողովի նախագահ Մակա Բոճորիշվիլիի խոսքով՝ ընդդիմադիր թևի քաղաքական կուսակցությունները քրտնաջան աշխատում են և փորձում են ինչ-որ կերպ մտնել հաջորդ գումարման խորհրդարան և հաղթահարել ընտրական պատնեշը։

«Սա իրենց խնդիրն է։ Նրանց համար խնդիր է նաև, թե ինչ կոնֆիգուրացիայով նրանք կկարողանան հաղթահարել արգելքը։ Սա նրանց որոշումն է։ Այս միավորումը կամ բաժանումը մեծ ազդեցություն չի ունենա, «Ազգային շարժման» հետևորդները ծառայում են մեկ գաղափարի»,- ասել է Բոճորիշվիլին։

Բացի այդ, Մակա Բոճորիշվիլիի գնահատմամբ՝ նախագահը, ելնելով իր գործառույթներից, գործում է հակասահմանադրական։

«Իր պարտքը չէ դաշինքների մեջ մտնել քաղաքական կուսակցությունների հետ, թեև տեսնում ենք, որ նա որոշակի ջանքեր է գործադրում այդ գործառույթն իրականացնելու և նախընտրական գործընթացում որոշակի դերակատարում ունենալու համար, որն ամենևին էլ նրա պարտականությունը չէ»,- հայտնել է Մակա Բոճորիշվիլին: