Համագործակցությունն ու բարեկամությունը, որը կապում է Վրաստանին և Հայաստանին, հայտնվել է ռազմավարական գործընկերության շրջանակներում, և մենք շարունակում ենք համագործակցել այս կերպ,- հայտարարել է ԱԳ նախարար Մակա Բոճորիշվիլին։

Ինչպես նշել է Բոճորիշվիլին, Հայաստանի արտգործնախարար Արարատ Միրզոյանի հետ հանդիպմանը քննարկվել են ընդհանուր մարտահրավերները, շահերը, համագործակցության ամրապնդման ուղիները։

«Հայաստանի հետ հարաբերությունները՝ որպես մեր բարեկամ և հարևան երկրի, իսկապես շատ թանկ և կարևոր են Վրաստանի համար։ Անցյալ տարի երկու երկրներին և երկու ժողովուրդներին կապող համագործակցությունն ու բարեկամությունը բարձրացվել է ռազմավարական գործընկերության մակարդակի, և այդ շրջանակներում մենք շարունակում ենք համագործակցությունը տարբեր ուղղություններով։ Այսօր իմ առաջին այցն էր որպես արտաքին գործերի նախարար և հանդիպումը իմ գործընկերոջ հետ։ Մենք խոսեցինք ընդհանուր մարտահրավերների, ընդհանուր շահերի, բազմաթիվ ոլորտներում համագործակցության ամրապնդման մասին։ Տեղի է ունեցել նաև Տնտեսական համագործակցության հանձնաժողովի 14-րդ նիստը։ Սա լավագույն ձևաչափն է, որտեղ երկու երկրները հնարավորություն ունեն ամենաբարձր մակարդակով այս նստաշրջանի գլխավորությամբ վարչապետների հետ քննարկելու երկու երկրների միջև տնտեսական կապերի ամրապնդմանն առնչվող հարցեր, և դա ներառում է համագործակցությունը բազմաթիվ ոլորտներում և հարաբերությունների խորացումը տարբեր ուղղություններով:

Մեր հետաքրքրությունը ընդհանուր է: Մենք ցանկանում ենք խաղաղություն և կայունություն տարածաշրջանում և, իհարկե, այս ուղղությամբ ևս մեկ անգամ հայտնում ենք Վրաստանի շահագրգռվածությունը, ցանկությունը և պատրաստակամությունը՝ անհրաժեշտության դեպքում օգնության ձեռք մեկնել մեր հարևան երկրներին, որպեսզի վերջապես խաղաղության համաձայնագիր ձեռք բերվի և խաղաղություն հաստատվի մեր տարածաշրջանում: Իհարկե, դա կնպաստի ավելի շատ տարածաշրջանային նախագծերի զարգացմանն ու իրականացմանը և մեր տարածաշրջանի ներուժի ավելի լավ օգտագործմանը»,- ասել է Մակա Բոճորիշվիլին։