ՄԱԿ-ի տվյալներով՝ 2023 թվականին մոտ 85 հազար կին և աղջիկ դարձել է ֆեմիցիդի զոհ
ՄԱԿ-ի տվյալներով՝ 2023 թվականին մոտ 85 հազար կին և աղջիկ դարձել է ֆեմիցիդի զոհ։ Դրանցից մոտավորապես 51000-ը (60 տոկոսը) դիտավորյալ սպանվել են զուգընկերների կամ ընտանիքի այլ անդամների կողմից: Ըստ ՄԱԿ-ի՝ սա նշանակում է, որ աշխարհում յուրաքանչյուր 10 րոպեն մեկ մեկ կին կամ աղջիկ է մահանում ընտանեկան բռնության հետևանքով։
ՄԱԿ-ի տվյալներով՝ կանանց սպանության ամենաբարձր ցուցանիշը գրանցվել է Աֆրիկայում, որին հաջորդում են Հյուսիսային, Կենտրոնական և Հարավային Ամերիկաները, իսկ 2023 թվականին այդ ցուցանիշը ամենացածրն է եղել Եվրոպայում։
Կանանց նկատմամբ բռնության վերացման միջազգային օրվա կապակցությամբ տարածված հայտարարության մեջ ՄԱԿ-ը կոչ է անում խստացնել օրենսդրությունը և ավելի լավ հավաքել զոհերի մասին տեղեկատվություն: Միավորված ազգերի կազմակերպությունն ասում է, որ կառավարությունները պետք է ավելին անեն կանանց նկատմամբ բռնության դեմ պայքարելու համար: Անհրաժեշտություն կա նաև ավելի շատ ֆինանսավորում հատկացնել կանանց իրավունքների պաշտպանությամբ զբաղվող կազմակերպություններին և ստեղծել զրոյական հանդուրժողականության մշակույթ կանանց նկատմամբ բռնության նկատմամբ: