ՄԱԿ-ի գլխավոր քարտուղար Անտոնիո Գուտերեշը Իրանին և Պակիստանին կոչ է արել առավելագույն զսպվածություն ցուցաբերել՝ երկրների միջև էսկալացիայից խուսափելու համար,- ասել է ՄԱԿ-ի խոսնակ Ստեֆան Դուժարիկը։

«Գլխավոր քարտուղարն ընդգծում է, որ երկու երկրների միջև անվտանգության բոլոր խնդիրները պետք է լուծվեն խաղաղ ճանապարհով, երկխոսության և համագործակցության միջոցով՝ ինքնիշխանության, տարածքային ամբողջականության և բարիդրացիական հարաբերությունների սկզբունքներին համապատասխան», – ասել է ՄԱԿ-ի խոսնակ Ստեֆան Դուժարիկը։

Հիշեցնենք՝ երեկ Իրանը խախտել էր Պակիստանի օդային տարածքը, ինչի հետեւանքով երկու երեխա է զոհվել։ Պակիստանը հայտարարեց, որ կդադարեցնի բոլոր բարձր մակարդակի դիվանագիտական ​​հարաբերությունները Իրանի հետ, որից հետո Պակիստանը հրթիռային հարձակում գործեց Իրանի վրա։