64 տարեկան հասակում մահացել է ռեժիսոր Դավիթ Անդղուլաձեն: Տեղեկությունը Վրաստանի առաջին ալիքին հաստատել են նրա հարազատները:
Դավիթ Անդղուլաձեն 1982-1985 թվականներին աշխատել է Վրաստանի հեռուստատեսությունում որպես ռեժիսոր, 1985 թվականից Մարջանիշվիլիի թատրոնի ռեժիսոր էր: Մարջանիշվիլիի թատրոնում նրա ամենակարևոր ներկայացումներից մեկը «Գրաալի պահապաններն» էր:
Տարիներ շարունակ նա եղել է Ախմետելիի թատրոնի գեղարվեստական ղեկավարը. «Երկաթե թատրոնի» հիմնադիրը և գեղարվեստական ղեկավարը, «Արվեստի կենտրոնի» հիմնադիրը և տնօրենը, Վրաստանի Շոթա Ռուսթավելիի թատրոնի և կինոյի պետական համալսարանի ասոցացված պրոֆեսոր: