Պաշտոնապես բացվել է Թենգիզ Ցերցվաձեի ինֆեկցիոն պաթոլոգիայի, ՁԻԱՀ-ի և կլինիկական իմունոլոգիայի գիտագործնական կենտրոնը։ Բժշկական կենտրոնը գտնվել է Դեղոմ քաղաքի Լյուբլյանայի 70 հասցեում։

Վրաստանի առողջապահության նախարարության տեղեկատվության համաձայն՝ 11 հարկանի շենքը կազմակերպվել է ժամանակակից չափանիշներով։ Կլինիկան հագեցած է գերժամանակակից լաբորատորիաներով, պլետիզմոգրաֆ, համակարգչային տոմոգրաֆիա, ուլտրաձայնային, ճառագայթային բժշկական սարքավորումներով, որոնք սպասարկվում են որակյալ բուժանձնակազմի կողմից։

Գործակալության տվյալներով՝ ապագայում նախատեսվում է համալրել մագնիսառեզոնանսային նորագույն սարքավորումներով։ Նոր ինֆեկցիոն հիվանդանոցը նախատեսված է 83 մահճակալի համար. Նոր մասնաշենքում կլինիկային ավելացվել է շտապ ամբուլատոր բաժանմունք։ Հիվանդները հնարավորություն ունեն տեղում անցկացնել բոլոր անհրաժեշտ և պարտադիր հետազոտությունները։ Ընդհանուր առմամբ, կլինիկայում աշխատում է 352 աշխատակից։ Կլինիկայի անվանումը փոխվել է 2024 թվականին՝ գլխավոր տնօրեն, պրոֆեսոր Թենգիզ Ցերցվաձեի մահից հետո, և այն ստացել է Թենգիզ Ցերցվաձեի ինֆեկցիոն պաթոլոգիայի, ՁԻԱՀ-ի և կլինիկական իմունոլոգիայի գիտագործնական կենտրոն։

Թբիլիսիի ինֆեկցիոն հիվանդանոցը ստեղծվել է 1953թ. 1989 թվականին Թբիլիսիի ինֆեկցիոն հիվանդանոցում ստեղծվել է ՁԻԱՀ-ի բաժանմունք, որի ղեկավար է նշանակվել Թենգիզ Ցերցվաձեն։ 2001 թվականին կլինիկան ստացել է «Ինֆեկցիոն պաթոլոգիայի, ՁԻԱՀ-ի և կլինիկական իմունոլոգիայի գիտագործնական կենտրոն» անվանումը, որի գլխավոր տնօրենն էր Թենգիզ Ցերցվաձեն։ Նա հիմնարկը ղեկավարել է մինչև կյանքի վերջ։

Թենգիզ Ցերցվաձեի անվան ինֆեկցիոն պաթոլոգիայի, ՁԻԱՀ-ի և կլինիկական իմունոլոգիայի կենտրոնի նոր մասնաշենքի բացման արարողությանը ներկա է եղել նաև Վրաստանի վարչապետ Իրակլի Կոբախիձեն։