Իսրայելի վարչապետ Բենիամին Նեթանյահուն արգելել է Ժառանգության նախարար Ամիչայ Էլիահուին մասնակցել կառավարության նիստերին միջուկային զենքի հետ կապված իր հայտարարության պատճառով։

«Կոլ Բերամա» ռադիոկայանին տված հարցազրույցում լրագրողի հարցին, թե Իսրայելը պե՞տք է միջուկային զենք օգտագործի Գազայում, Ամիչայ Էլյահուն պատասխանել է. «Դա ճանապարհներից մեկն է»։

Ըստ Բենիամին Նեթանյահուի, Ամիչայ Էլիահուի հայտարարությունները հիմնված չեն իրականության վրա:

«Իսրայելի և Իսրայելի պաշտպանական ուժերը գործում են միջազգային իրավունքի ամենաբարձր չափանիշներին համապատասխան՝ անմեղ մարդկանց վնասը կանխելու համար, ուստի մենք կշարունակենք մինչև հաղթանակ»,- գրել է Նեթանյահուն սոցցանցում։

Միևնույն ժամանակ Ամիչայ Էլիահուն ասել է, որ չի ցանկանում, որ իր պատասխանը բառացի ընդունվի։

«Յուրաքանչյուր ողջամիտ մարդու համար պարզ է, որ միջուկային զենքի մասին հայտարարությունը փոխաբերական է»,- ասել է Էլյահուն։

Ինչպես գրում է «Սի Էն Էն»-ը, Իսրայելը երբեք պաշտոնապես չի հաստատել միջուկային զենքի տիրապետումը։