Ըստ լրատվամիջոցների Եվրամիության արտաքին գործերի և անվտանգության հարցերով գերագույն ներկայացուցիչ Ջոզեֆ Բորելը հայտարարում է, որ Ուկրաինայի անդամակցությունը ՆԱՏՕ-ին այս պահին սկզբունքային հարց չէ։

Բորելի խոսքով, այժմ ամենակարևորը Ուկրաինային ռազմական աջակցության և Ռուսաստանի դեմ պատժամիջոցների շարունակությունն է, որոնք, նրա գնահատմամբ, ունեն ազդեցություն։

Բացի այդ, Բորելը նշել է, որ Ուկրաինա Ռուսաստանի ներխուժման պատճառով Եվրամիությունն առաջին անգամ օգտագործել է իր միջոցները՝ զենք գնելու և պատերազմական իրավիճակում գտնվող երրորդ երկրին մատակարարելու համար։

«Ամերիկայի Միացյալ Նահանգների ներդրման հետ մեկտեղ դա այն է, ինչը թույլ է տվել Ուկրաինային պաշտպանվել իրեն»,- ասել է Բորելը։

Եվրամիության բարձր ներկայացուցիչը մեկնաբանել է Կրեմլի կողմից Ուկրաինայում կեղծ հանրաքվեների անցկացումը և նշել, որ ոչ ոք չի ճանաչում այդ տարածքների անեքսիան։ Նրա խոսքով, Ուկրաինայի շրջանների բռնակցման փորձը գրեթե անհնար է դարձնում պատերազմի ավարտը։