Հունգարացի ֆերմերները բողոքի ցույց են անցկացրել Ուկրաինայի սահմանի մոտ։ Հունգարիա-ուկրաինական սահմանի մոտ տեղակայված են տրակտորներ և տարբեր տեսակի գյուղատնտեսական տեխնիկա։

Ակցիան կազմակերպում են Հունգարիայի ֆերմերների արհմիությունները, ֆերմերների ասոցիացիան և Ազգային գյուղատնտեսական պալատը։ Նրանք չեն կիսում Եվրահանձնաժողովի հանձնարարականը՝ Ուկրաինայից արտահանման հարկը եւս մեկ տարով դադարեցնելու վերաբերյալ։ Հանրահավաքի մասնակիցները պնդում են նաև, որ Ուկրաինան արտահանում է գենետիկորեն ձևափոխված արտադրանք։

Հունգարացի ֆերմերներն ասում են, որ «Ուկրաինան կարող է ոչնչացնել եվրոպական գյուղատնտեսությունը», և որ ուկրաինական ապրանքների արտահանումը կարող է սնանկացնել ԵՄ-ում սննդամթերք արտադրողներին և վերամշակողներին:

Բացի այդ, ըստ ֆերմերների, ԵՄ անդամ չհանդիսացող երկրները պարտավոր չեն պահպանել եվրոպական կանոնակարգերն ու չափանիշները, նրանք իրենց արտադրանքը Եվրոպայում էժան են վաճառում, ինչի պատճառով էլ պահանջում են սահմանափակել սննդամթերքի ներկրումը։