ԱՄՆ-ի պաշտպանության նախարար Լլոյդ Օսթինի խոսքերով, Ռուսաստանի պատերազմն Ուկրաինայի դեմ գտնվում է «կրիտիկական փուլում», և հետևաբար, Արևմուտքի աջակցությունը կարևոր դեր ունի Կիևի համար։ Այս մասին Պենտագոնի ղեկավարը հայտարարել է Ուկրաինայի հարցով պաշտպանական կոնտակտային խմբի նիստում։

«Սա հակամարտության կրիտիկական փուլ է, և Ուկրաինային մեր հավաքական աջակցությունը կենսական և հրատապ է։ Ռուսաստանը կարծում է, որ կարող է գերազանցել Ուկրաինային և մեզ, և սա Ռուսաստանի վերջին սխալ հաշվարկն է: Մենք միասնական ենք մեր աջակցության մեջ, մենք հաստատակամ ենք մեր պարտավորությունների մեջ»,- ասել է Օսթինը։

Նրա խոսքով՝ Պուտինը թերագնահատել է իրենց հայրենիքը պաշտպանելու համար պայքարող ազատ մարդկանց ուժը և նրանց աջակցող միջազգային հանրության կամքը։ Լլոյդ Օսթինի խոսքով՝ ԱՄՆ-ն ամբողջ օգնությունը կտրամադրի Ուկրաինային, որպեսզի երկիրն ունենա պաշտպանվելու տեխնոլոգիա, զինամթերք և զենք։

Օսթինի խոսքով՝ Ուկրաինային ռազմական օգնության նոր փաթեթը, որը կհայտարարվի այս շաբաթ, դեռ ներառում է չորս միավոր «Հայմարս» հրթիռային համակարգեր և զինամթերք։