Լիվերպուլը կհյուրընկալի «Եվրատեսիլ 2023» երգի մրցույթը։ Այս մասին «BBC»-ի եթերում հայտարարել է Գրեմ Նորթոնը։
Այս տարի Եվրատեսիլ երաժշտական մրցույթը պետք է անցկացվեր Ուկրաինայում, սակայն անվտանգության նկատառումներից ելնելով Եվրոպական հեռարձակողների միությունը որոշել է միջոցառումն անցկացնել Մեծ Բրիտանիայում։
Եզրափակիչ փուլում երկու քաղաքներ՝ Լիվերպուլն ու Գլազգոն, պայքարեցին մրցույթն ընդունելու համար։
Մեծ Բրիտանիայի վարչապետ Լիզ Թրասը շնորհավորել է Լիվերպուլին հաղթանակի կապակցությամբ և խոստացել, որ այս տարի մրցույթում հատուկ ուշադրություն է դարձվելու ուկրաինական մշակույթին։
Բացի այդ, Ուկրաինայի ներկայացուցիչն այս տարի ավտոմատ կերպով կլինի Եվրատեսիլի եզրափակիչ փուլում։
Տեղեկացնենք, որ Եվրոպական հեռարձակողների միության որոշմամբ, Ռուսաստանը չի մասնակցի Եվրատեսիլ երգի մրցույթին։