Լիտվայի Հանրապետության Սեյմի Ազգային անվտանգության և պաշտպանության կոմիտեի պատվիրակություն գտնվում է Վրաստանում։

Կոմիտեի նախագահ Լաուրինաս Կասչյունասի գլխավորությամբ Լիտվայի բարձրագույն օրենսդիր մարմնի ներկայացուցիչներին հյուրընկալել է Վրաստանի պաշտպանության նախարարի առաջին տեղակալ Լելա Չիքովանին։ Կողմերը քննարկել են տարածաշրջանում անվտանգության միջավայրը, Վրաստանի առջեւ ծառացած սպառնալիքներն ու մարտահրավերները։

Կողմերը քննարկել են Ուկրաինայում տիրող իրավիճակը և նշել, որ Ռուսաստանի ագրեսիան մարտահրավեր է ողջ տարածաշրջանի և եվրոպական անվտանգության համար։ Նրանք դատապարտել են Ուկրաինայի դեմ Ռուսաստանի ագրեսիան և ընդգծել այդ հարցում երկրների միջև առավել ինտենսիվ համագործակցության կարևորությունը։ Ուշադրություն է դարձվել եվրոպական և եվրատլանտյան կառույցներին միանալու Վրաստանի ցանկությանը և այդ ճանապարհին երկրի ձեռք բերած առաջընթացին։

Քննարկվել են նաև Վրաստանի կողմից ՆԱՏՕ-ին անդամակցելու հետ կապված բարեփոխումները, ձեռք բերված արդյունքներն ու ապագա ծրագրերը։

Տեղեկությունը տարածում է Վրաստանի պաշտպանության նախարարության մամուլի ծառայությունը։