Ուկրաինացիները կշարունակեն հաջողությամբ պայքարել, քանի մենք օգնում ենք նրանց: Մենք պետք է դա շարունակենք թե՛ ռազմական, թե՛ քաղաքական առումով, պատժամիջոցներն ունեն ազդեցություն, և մենք պետք է շարունակենք դա անել, ասել է Լիտվայի պատգամավոր Ռադվիլե Մորկունայտե-Միկուլենիենեն Մադրիդում, որտեղ ընթանում է ԵՄ անդամ երկրների խորհրդարանների արտաքին հարաբերությունների հանձնաժողովի նիստը։

Լիտվացի պատգամավորի խոսքով՝ Լիտվան Ուկրաինայի կողքին կլինի այնքան ժամանակ, քանի դեռ իրեն պետք է։

«Ոմանք ասում են, որ Ուրսուլա ֆոն դեր Լեյենը չի նշել խաղաղության մասին իր տարեկան ելույթում։ Ես կարծում եմ, որ սա խելամիտ քայլ է, քանի որ մեզանից շատերն այստեղ տարբեր պատկերացումներ ունեն, թե ինչ պետք է լինի խաղաղությունը: Ես ուզում եմ, որ մենք բոլորս ստանանք նույն ուղերձը, մենք կկանգնենք Ուկրաինայի կողքին, քանի դեռ նրանք հաղթեն։ Մենք տեսել ենք կիսախաղաղության արդյունքները Վրաստանում, և դա չի կանգնեցրել Ռուսաստանին։ Եկեք ողջունենք Ուկրաինային և Մոլդովային ԵՄ-ում և օգնենք մյուսներին, ովքեր ցույց են տալիս ԵՄ-ի մաս լինելու իրենց ցանկությունը»,- ասաց լիտվացի պատգամավորը։