Միջերկրական «Դանիել» փոթորկի հետևանքով Լիբիայում տուժել է 800 հազար մարդ: Կարմիր խաչի և Կարմիր մահակի ընկերությունների միջազգային ֆեդերացիայի տվյալներով՝ այս թիվը Լիբիայի բնակչության մոտ 11 տոկոսն է։

Փլատակների տակ որոնողափրկարարական խմբերը շարունակում են գործողությունը։ Լիբիայի Հիվանդությունների վերահսկման ազգային կենտրոնը հայտարարել է, որ ջրհեղեղից տուժած շրջաններում մեկ տարով արտակարգ դրություն է հայտարարվել։

Ամենաշատ տուժած Դերնա քաղաքում դեռ կան բազմաթիվ զոհերի դիակներ, որոնք թաղված են ցեխի տակ կամ ողողված ծովը: Վերջին երեք օրվա ընթացքում փրկարարները Դեռնայի մերձակա լողափերից դուրս են բերել ավելի քան 450 դի:

Լիբիայում Միգրացիայի միջազգային կազմակերպության առաքելությունը հայտնել է, որ աղետի հետևանքով ավելի քան 38,000 մարդ տեղահանվել է Արևելյան Լիբիայում, այդ թվում 30,000-ը միայն Դերնայում:

Լիբիայում ջրհեղեղների հետևանքով զոհվել է ավելի քան 11 հազար մարդ: