Լիբիայում ձերբակալված վրաց նավաստի Սոսլան Կակաբաձեն ազատված է
19:40, 29.04.2018
Լիբիայում ձերբակալված վրաց նավաստի Սոսլան Կակաբաձեն ազատված է:
Վրաստանի արտաքին գործերի նախարարության լրատվությամբ, այսօր Տրիպոլի քաղաքում տեղի ունեցած դատական նիստին, դատավորը ընդունել է Վրաստանի քաղաքացուն ազատելու որոշում:
Ինչպես պարզաբանել են գերատեսչությունում, Եգիպտոսում Վրաստանի դեսպան Ալեքսանդր Նալբանդովը գտնվում է Լիբիայում:
Նախարարության փոխանցմամբ, դեսպանը տեսակցել է ձերբակալված վրաց նավաստիներին և հանդիպումներ է անց կացրել Լիբիայի արտաքին գործերի նախարարությունում:
Տոգոյի դրոշի ներքո լողացող նավի վրա, որպես խոհարար Կակաբաձեն աշխատում է 2015 թվականի օգոստոսից:
Լիբիայի բանտում գտնվում է ևս երկու վրացի նավաստի: Նրանց դատական նիստը կայանալու է մայիսի 20-ին:
