Լիբիայի ափերի մոտ նավի խորտակման հետևանքով ավելի քան 60 միգրանտ է մահացել

12:11, 17.12.2023

Լիբիայի ափերի մոտ նավի խորտակման հետեւանքով ավելի քան 60 միգրանտ է մահացել։ «BBC»-ն տեղեկությունը տարածում է Միգրանտների միջազգային կազմակերպության հիման վրա։

Լրատվամիջոցների տվյալներով՝ նավը դուրս է եկել Զուվարա քաղաքից, նավի վրա եղել է մոտ 86 մարդ։ Ըստ տեղեկությունների՝ նավը խորտակվել է մեծ ալիքների պատճառով, ինչի հետեւանքով զոհվել է ավելի քան 60 մարդ, այդ թվում՝ երեխաներ։ 25 փրկվածներ տեղափոխվել են Լիբիայի մեկուսարան և բուժման կուրս են անցնում։

Միգրացիայի միջազգային կազմակերպության գնահատմամբ՝ միայն այս տարի ավելի քան 2200 մարդ է մահացել՝ փորձելով հատել Միջերկրական ծովը:

Հեղինակ - edgar barsegyan

Միջազգային