Իսրայելի հետ բանակցությունները ցույց են տալիս, որ Լիբանանում հրադադարի համաձայնագիրը ԱՄՆ-Իրան բանակցությունների մաս չի կազմում, հայտարարել է Լիբանանի արտաքին գործերի նախարար Յուսեֆ Ռագին իր գերմանացի գործընկեր Յոհան Վադեպուլի հետ զրույցի ժամանակ։

«Լիբանանը փորձում է Իսրայելի հետ հրադադարի համաձայնագրի հասնել ուղիղ բանակցությունների միջոցով։ Ես ընդգծեցի, որ այս ուղին գործնականում ամրապնդել է լիբանանյան և իրանական հարցերի տարանջատումը», – ասել է Լիբանանի արտաքին գործերի նախարարը։

Պակիստանում բանակցությունների ժամանակ Իրանը պահանջել է, որ ԱՄՆ-ի հետ համաձայնագրում ներառվի Իսրայելի կողմից «Հեզբոլլահի» վրա հարձակումների դադարեցումը։

Յուսեֆ Ռագին նշել է, որ միայն լիբանանյան պետությունն ունի Լիբանանի անունից բանակցություններ վարելու լիազորություն։