Ըստ Լիբանանի արտաքին գործերի նախարարի պաշտոնակատար Աբդալլահ Բու Հաբիբի, Լիբանանը մտահոգված է, որ երկիրը մղվում է Իսրայելի դեմ պատերազմի: Նրա խոսքով՝ նման հակամարտությունը Իսրայելի համար «պիկնիկ» չի լինի։

«Գիտեք, «Հեզբոլլահը» ավելի շատ միջոցներ ունի, քան ՀԱՄԱՍ-ը, և այդ պատճառով ես ասում եմ, որ դա շատ դժվար է լինելու։ Սա մեծ գին կունենա բոլորի համար: Իհարկե, Իսրայելն ունի օդուժ, և նրանք կարող են գերիշխել ինչպես օդում, այնպես էլ ցամաքում, բայց ընդհանուր առմամբ, դա վնասակար կլինի բոլորի համար: Մենք ցավում ենք, որ մեզ մղում են պատերազմի, բայց իսրայելցիները գիտեն, որ դա «պիկնիկ» չի լինելու», – ասել է Աբդուլլահ Բու Հաբիբին։

Լրատվամիջոցների տեղեկություններով՝ Իսրայել-Լիբանան սահմանին ստեղծված լարված իրավիճակի պատճառով աճում է մտահոգությունը, որ Լիբանանը կարող է ներքաշվել տարածաշրջանային հակամարտության մեջ։ Այս ամսվա սկզբին Եվրամիությունը հայտարարեց, որ անհրաժեշտ է խուսափել Մերձավոր Արևելքում տարածաշրջանային էսկալացիայից։