Օդերևութաբանական պայմանները բարելավվել են, այլևս ձյուն չի գալիս, ինչը շատ լավ է բնական աղետների դեմ պայքարի առումով։ Ըստ այդմ, փրկարարական աշխատանքներին ներգրավվել է ուղղաթիռ, Գուրիայում լրագրողներին ասել է կառավարության վարչակազմի ղեկավար Լևան Ժորժոլիանին։

Ինչպես նշել է Լևան Ժորժոլիանին, ՆԳՆ համապատասխան հատուկ ստորաբաժանումը ուղղաթիռով օգնություն կտրամադրի այն մարդկանց, ում գյուղերը դեռևս դժվարամատչելի են։

«Հիմնական ավտոճանապարհները գրեթե մաքրված են: Ինչ վերաբերում է ներքին թաղային ճանապարհներին, ապա դրանք ներքին գյուղական ճանապարհներ են, և այստեղ աշխատելը շատ դժվար է։ Փորձում ենք հասնել յուրաքանչյուր գյուղի կենտրոն և կենտրոնական հատված, որտեղ հիմնականում գտնվում են վարչական շենքերը՝ մանկապարտեզներն ու դպրոցները, և ստեղծել մի բազա, որտեղից քաղաքապետի ներկայացուցիչները դեղորայք ու սնունդ կհասցնեն այն բնակչությանը, ով դրա կարիքն ունի։ Երեք համայնքներում էլ ժամանել են առաջին անհրաժեշտության առաջին օգնության պարագաներով բեռնված մի քանի կցորդներ, որոնք անհրաժեշտ են նման պայմաններում»,- ասաց կառավարության աշխատակազմի ղեկավարը։