«Ցանկանում եմ, որ իմ երեխաներն ու ժողովուրդը իմանան՝ նրանց հայրն հանցագործ չէ, այլ հայրենասեր է։ Ես լիովին անմեղ եմ»։ Այս մասին դատարանի նիստի ժամանակ հայտարարել է «Միացյալ ազգային շարժման» անդամ Լևան Խաբեիշվիլին։

Նրա խոսքով՝ նույնիսկ կեղծված ընտրությունների պայմաններում կարող էր մտնել խորհրդարան, բայց հրաժարվել է՝ գիտակցված։

«Տարիներ շարունակ ես քաղաքականության մեջ եմ և բազմաթիվ հրապարակային հայտարարություններ եմ արել։ Ցանկության դեպքում, անգամ կեղծված ընտրություններից հետո կարող էի խորհրդարանում լինել, բայց անձամբ հրաժարվեցի։ Կյանքս կարող էի հանգիստ դասավորել, բայց իմ գիտակցությամբ դա ճիշտ չհամարվեց։ Ինձ վրա իրականացվում է հոգեբանական ճնշում։ Պատկերացրեք՝ ինչպես է յոթ տարի անցկացնել մեկուսարանում։ Երբ մարդը բանտում է, մտածում է հազար տեսակ սարսափելի բաների մասին։ Սա է հոգեբանական ճնշումը։ Սա այն բեռն է, որը ես գիտակցված վերցրել եմ, որովհետև երբ գիտես, որ ճիշտ ես, ուզում ես պայքարել մինչև վերջ։ Սա իմ բեռն է։

Ինչպե՞ս կարող է քաղաքական գործչի հրապարակային խոստումը կաշառք համարվել։ Գիտե՞ք՝ կաշառք ինչ է, տե՛ր դատավոր։ Եթե այդպես նայենք, ես ուրիշ «հանցանքներ» էլ եմ գործել՝ ավելացրեք։ Ես բազմիցս ասել եմ, որ ուսուցիչները պետք է բարձր աշխատավարձ ստանան, ասել եմ՝ դա արժանի են։ Նույնը պենսիոներների մասին։ Իսկ ինչ տարբերություն կա, երբ ներքին գործերի աշխատողներին ասում էի՝ մի արեք անօրինական բաներ, և դրա դիմաց կստանաք պարգև։ Ես երբեք չեմ ասել՝ մի կատարեք ձեր լիազորությունները։ Եթե որևէ տեղ ես ասել եմ՝ մի ենթարկվեք, և դրա դիմաց կվճարեմ՝ ճանաչում եմ մեղքս։

Գործում երեք ոստիկանության աշխատակիցների ցուցմունք կա, որոնք վիրավորված են զգացել իմ առաջարկից։ Երեք աշխատակցի համար պետք է յոթ տարի անցկացնեմ բանտում՞։ Ցանկանում եմ, որ իմ երեխաներն ու ժողովուրդը իմանան՝ նրանց հայրն հանցագործ չէ, այլ հայրենասեր է։ Խոսք է միայն, գործողություն չկա։ Ինձ մեղադրում են խոսքերի համար։ Ես լիովին անմեղ եմ։ Եթե ոչ Վրաստանի դատարանում, ապա Եվրոպական դատարանում հաստատելու եմ իմ արդարությունը», – ասել է Լևան Խաբեիշվիլին։