«Ազգային շարժում-Հաղթանակ կոալիցիան» պատրաստ է, որ նախագահ Սաակաշվիլին լինի կոալիցիայի գլխավոր առաջնորդը և անմիջականորեն ներգրավվի առօրյա գործունեության մեջ, ասել է «Ազգային շարժման» նախագահ Լևան Խաբեիշվիլին։

Խաբեիշվիլիի խոսքով՝ Միխեիլ Սաակաշվիլին կարող է համախմբել հասարակությանը, ինչը նա արդեն մեկ անգամ արել է, նա կարող է օգնել վրաց ժողովրդին ոչ միայն ձգտել դեպի Եվրամիություն, այլև արագ միանալ դրան։

«Ցանկանում եմ պատասխանել Միխեիլ Սաակաշվիլիի նախաձեռնությանը «Ազգային շարժման» վարչության ղեկավարության հետ կապված։ Մենք բոլորս շատ լավ հասկանում ենք, որ նախագահ Սաակաշվիլին լինելու է այն գլխավոր մարդը, ով ամենամեծ ու գլխավոր դերն է ունենալու դժվարությունները և Իվանիշվիլիին տապալելու գործում։ Նախագահ Սաակաշվիլին կարող է համախմբել հասարակությանը, ինչը նա արդեն մեկ անգամ արել է, նա կարող է օգնել վրաց ժողովրդին ոչ միայն ձգտել դեպի Եվրամիություն, այլև արագ անդամակցել դրան, և դա արել է։ Նրա կարողությունների մասին բոլորը լավ տեղեկացված կլինեն՝ ի տարբերություն Իվանիշվիլիի ու նրա թիմի։

Ակնհայտ է, որ «Ազգային շարժում-Հաղթանակ կոալիցիան» պատրաստ է, որ նախագահ Սաակաշվիլին լինի այս հաղթական կոալիցիայի գլխավոր առաջնորդը և անմիջականորեն ներգրավված լինի առօրյա գործունեության մեջ։ Իրականում դա այդպես է այս ընթացքում, և պարզ է, որ մենք ամենօրյա ռեժիմով շփվելու հնարավորություն ունենք»,- ասել է Լևան Խաբեիշվիլին։

Վրաստանի նախկին նախագահ Միխեիլ Սաակաշվիլին այսօր հայտարարել է, որ մտադիր է գլխավորել «Ազգային շարժման» վարչությունը՝ քաղաքական գործունեության կոմիտեն։