«Բրյուսելից կրկնակի ստանդարտներին մենք արդեն վարժվել ենք, բայց այն, ինչ տեսանք Ուկրաինայի և Մոլդովայի դեպքում, գերազանցում է բոլոր սպասելիքները», – այս մասին հայտարարել է Վրաստանի խորհրդարանի եվրոինտեգրման հանձնաժողովի նախագահ Լևան Մախաշվիլին։

Մախաշվիլին պատասխանել է հարցին, որը վերաբերել է ԵՄ ընդլայնման վերաբերյալ Եվրահանձնաժողովի գնահատման փաստաթղթին։ Լրատվամիջոցների տվյալներով՝ այդ փաստաթղթում ԵՄ-ն հանել է կոռուպցիայի և մարդու իրավունքների մասին դրույթները Ուկրաինայի և Մոլդովայի դեպքում։

«Սա միայն մեկ բան է ցույց տալիս. որ Եվրահանձնաժողովի նպատակն, ըստ ամենայնի, չէր եղել օբյեկտիվ և փաստացի հանգամանքների ուսումնասիրությունը և դրանց հիման վրա ճշմարտության հայտնաբերումն։ Փաստաթղթի նպատակը եղել է՝ դրա օգտագործումը քաղաքական նպատակներով, սեփական կրկնակի ստանդարտների արդարացումը տարբեր երկրների, հատկապես Վրաստանի հետ հարաբերություններում», – հայտարարել է Մախաշվիլին։