Լևան Մաճավարիանի. «Վրաստանում էքստրեմիզմն ու ֆաշիզմը կարտամղվեն, հասարակության մեծամասնությունը լավ է հասկանում, որ գործակալները ծառայում են բոլորին, բացի երկրի շահերից»
Վրաստանում էքստրեմիզմն ու ֆաշիզմը մեկընդմիշտ վերջ կգտնեն, ոչինչ չեն կարող անել ոչ Էլենե Խոշտարիան, ոչ գործակալական ընդդիմության ներկայացուցիչները, ոչ էլ նրանց հետ կապված «ՀԿ»-ները, – այս մասին հայտարարել է խորհրդարանական մեծամասնության անդամ Լևան Մաճավարիանին։
Նրա խոսքով՝ մեր հասարակության բացարձակ մեծամասնությունը շատ լավ է հասկանում, որ գործակալները ծառայում են բոլորին, բացի Վրաստանի շահերից։
«Պատկերը անփոփոխ է, առավել ևս վերջին տարիների ընթացքում մենք նկատում ենք, որ այս դերակատարները, հիմնվելով ռադիկալիզմի, էքստրեմիզմի և քաղաքական ահաբեկչության վրա, ամբողջությամբ ձևավորում են օրակարգը և օգնություն են սպասում արտաքին ուժերից, որոնք կոպտորեն միջամտում են մեր ներքին գործերին։ Արտաքին ուժերի օրինակ կարող ենք բերել Մակքեյնի ինստիտուտը, որը 2024 թվականի խորհրդարանական ընտրություններից հետո ընդդիմությանը փոխանցեց «ուղեցույց», որի համաձայն նրանք գործում էին, որ բողոքը պետք է վերածեին քաղաքացիական բախման, պետք է լինեին զոհեր։ Հենց սա է այն, ինչի դեմ մենք պայքարում ենք։ Այս էքստրեմիզմն ու ֆաշիզմը Վրաստանում մեկընդմիշտ վերջ կգտնեն։ Ոչինչ չեն կարող անել ոչ Էլենե Խոշտարիան, ոչ գործակալական ընդդիմության ներկայացուցիչները, ոչ էլ նրանց հետ կապված «ՀԿ»-ները, նույն Լոմջարիան և Գիգաուրիները, նրանք բացահայտված են։ Մեր հասարակության բացարձակ մեծամասնությունը շատ լավ է հասկանում, թե ում են ծառայում այս գործակալները։ Նրանք ծառայում են բոլորին և ամեն ինչին, բացի Վրաստանի շահերից», – հայտարարել է Լևան Մաճավարիանին։
Հիշեցնենք, որ «Դրոա»-յի առաջնորդ Էլենե Խոշտարիան «ՏՎ Պիրվելի»-ի համար բանտից տված հեռախոսային հարցազրույցում, խոսելով ցույցերի անհրաժեշտության մասին, հայտարարել էր.
«Մենք պետք է ասենք գործընկերներին՝ գիտե՞ք ինչ, բարեկամնե՛ր: Մարդկանց ձերբակալում են, ծեծում և այլն, բայց էլի դուրս եկավ 300 հազար մարդ, գիտենք՝ ինչ պետք է արվի։ Մենք ձեզնից խնդրում ենք տարրական բան՝ այս հինգ կետը, թե քանիսն էլ որ լինի, զիջել տվեք։ Սա կլինի կենտրոնացված ճնշում, այստեղ 300 հազար մարդ, զուգահեռաբար, այնտեղից բոլորը կմանան, որ գնում ենք դեպի այս գագաթնակետը»։