«Երբ եվրոպացի բյուրոկրատները համոզվեն, որ առանց վիզային ռեժիմի դադարեցումը Վրաստանում հեղափոխության չի հանգեցնի, այդ քայլը չեն ձեռնարկի», – այս մասին հայտարարել է Վրաստանի խորհրդարանական խմբակցություն «Վրացական երազանք»–ի նախագահի առաջին տեղակալ Լևան Մաճավարիանին։

Ինչպես նշել է Մաճավարիանին, քիչ է հավանական համարում, որ վիզային ազատականացման հնարավոր դադարեցման հարցում եվրոպական երկրների դիրքորոշումները կհամընկնեն։

«Զեկույցում մեր համար անսպասելի ոչինչ չկար, այս ամենի մասին մենք նախապես խոսել ենք։ Սա պարզապես այն հռետորաբանության փաստաթղթային արտացոլումն է, որն արդեն լսում ենք եվրոպացի բյուրոկրատներից։ Շանտաժը շարունակվում է, և մենք արդեն սովոր ենք դրան։ Դա էր, ի դեպ, նաև պարոն Իրակլի Կոբախիձեի նոյեմբեր 2024-ի ճեպազրույցի հիմնական շարժառիթը, երբ մենք բացառեցինք նման շանտաժի մի մեխանիզմ՝ բանակցությունների բացման կամ չբացման հարցը։ Հիմա վերջին մնացած շանտաժի գործիքն այս է, և նրանք դրան կդիմեն։ Սակայն անձամբ ես քիչ հավանական եմ համարում, որ այս հարցում երկրները միաձայն դիրքորոշում կունենան։ Կարծում եմ՝ ի վերջո կգործեն ռացիոնալ, թեև վերջին շրջանում եվրոբյուրոկրատների վարքագիծը հաճախ որևէ տրամաբանության չի ենթարկվում։ Բայց եթե համոզված չլինեն, որ վիզայի դադարեցմամբ Վրաստանում հեղափոխություն կլինի, իհարկե, այդ քայլը չեն ձեռնարկի», – հայտարարել է Լևան Մաճավարիանին։

Հիշեցնենք, որ Եվրոպական հանձնաժողովը հրապարակել է զեկույց գործընկեր երկրների կողմից վիզայի ազատականացման պայմանների կատարման վերաբերյալ։ Զեկույցում նշվում է. «ծայրահեղ դեպքում Վրաստանը կարող է կորցնել վիզայի ազատ ռեժիմը»։