Լևան Քուտաշվիլին և Յոսեբ Պավլիաշվիլին ուշ գիշերին լքել են Մցխեթայի շրջանային ոստիկանության շենքը:
Ինչպես փոխանցում է առաջին ալիքի լրագրողը, նրանք շենքից հեռացել են առանց մեկնաբանություն անելու:
Քուտաշվիլիին և Պավլիաշվիլիին ոստիկանության մոտ սպասում էին նրանց ընտանիքի անդամները:
Լևան քուտաշվիլին և Յոսեբ Պավլիաշվիլին հարցաքննվել են ոստիկանության շենքում, իսկ մինչ այդ նրանց են հանդիպել փախստականների և վերաբնակեցման հարցերով նախարար Սոզար Սուբարին, հաշտեցման և քաղաքացիական հավասարության հարցերով պետնախարար Քեթևան Ցիխելաշվիլին, ներքին գործերի նախարարի առաջին տեղակալ Կախաբեր Սաբանաձեն և ՊԱԾ-ի վերլուծաբանական դեպարտամենտի տնօրենի տեղակալ Կախաբեր Քեմոկլիձեն:
Լևան Քուտաշվիլին և Յոսեբ Պավլիաշվիլին բռնազավթված Ախալգորին լքել են երեկ երեկոյան:
Պետական անվտանգության ծառայության լրատվությամբ, փետրվարի 22-ին բռնազավթված Ցխինվալիի ներկայացուցիչները անօրեն ձերբակալել էին Վրաստանի քաղաքացիներ՝ Արչիլ Տատունաշվիլիին, Լևան Քուտաշվիլիին և Յոսեբ Պավլիաշվիլիին:
Արչիլ Տատունաշվիլին փետրվարի 23-ին անորոշ պայմաններում մահացել է Ցխինվալի բանտում: Լևան Քուտաշվիլին և Յոսեբ Պավլիաշվիլին ազատ էին արձակվել այսպես կոչված Ցխինվալիի բանտից, սակայն նրանց հնարավորություն չէր տրվում լքել բռնազավթված տարածաշրջանը:
ლევან ქუტაშვილი და იოსებ პავლიაშვილი მცხეთის პოლიციის შენობას ტოვებენ
Posted by პირველი არხი on 2018 წლის 11 მარტი, კვირა
